രാവിലെ ഉണര്‍ന്നാല്‍ ഇവ ചെയ്യരുത്...

രാവിലെ ഉണര്‍ന്നെഴുന്നേറ്റാലുടന്‍ നാം ചെയ്യരുതാത്ത ചില കാര്യങ്ങളുണ്ട്. ഇതേക്കുറിച്ചറിയൂ...

നമ്മുടെ ശാരീരിക, മാനസിക ആരോഗ്യത്തിന്റെ കാര്യത്തില്‍ നമ്മുടെ ശീലങ്ങള്‍ക്ക് പ്രധാന പങ്കുണ്ട്. ഇതില്‍ തന്നെ രാവിലെ എഴുന്നേറ്റു ചെയ്യുന്ന ചില കാര്യങ്ങള്‍ ഏറെ പ്രധാനമാണ്. രാവിലെ എഴുന്നേറ്റാല്‍ ചെയ്യരുതാത്ത, ചെയ്യാവുന്ന ചില കാര്യങ്ങളുണ്ട്. നമ്മുടെ ശരീരത്തിന്റെ ആകെയുള്ള ആരോഗ്യത്തെ ബാധിയ്ക്കുന്നു. രാവിലെ ഉണര്‍ന്നെഴുന്നേറ്റാല്‍ ഉടന്‍ നാം ചെയ്യരുതാത്ത, ചെയ്യേണ്ട പലതുമുണ്ട്. പൊതുവേ നാം അരുതുകളെങ്കിലും ചെയ്യുന്ന ചിലത്. ഇത്തരം ചിലതിനെ കുറിച്ചറിയൂ.

രാവിലെ വ്യത്യസ്തമായ സമയങ്ങളില്‍ ഉണരാതിരിയ്ക്കുക. അതായത് കൃത്യസമയം ഉണരാന്‍ വേണം. കാരണം നമ്മുടെ ശരീരത്തില്‍ ഒരു ബയോളജിക്കല്‍ ക്ലോക്കുണ്ട്. അലാറാം വച്ചില്ലെങ്കിലും നാം എഴുന്നേല്‍ക്കും, ടോയ്‌ലറ്റില്‍ പോകും, വിശപ്പു തോന്നും. എന്നാല്‍ വ്യത്യസ്ത സമയങ്ങളില്‍ എഴുന്നേറ്റാല്‍ ഈ ബയോളജിക്കല്‍ ക്ലോക്ക് തകിടം മറിയും. ഇതിനാല്‍ തന്നെ കാര്യങ്ങളെല്ലാം അവതാളത്തിലാകും. മലബന്ധം, അസിഡിറ്റി, ക്ഷീണം തുടങ്ങിയ പല പ്രശ്‌നങ്ങളും ഉണ്ടാകും. ഇതിനാല്‍ ജോലിയുള്ള ദിവസമെങ്കിലും അല്ലെങ്കിലും അല്ലെങ്കില്‍ പഠനമുള്ള ദിവസങ്ങളിലെങ്കിലും ഇല്ലെങ്കിലും ഒക്കെ കൃത്യസമയത്ത് തന്നെ എഴുന്നേല്‍ക്കുന്നത് ശീലമാക്കുക. ഇത് ആരോഗ്യകരമായ ജീവിതത്തിന് അത്യാവശ്യമാണ്.

ഇതു പോലെ അലാറം വയ്ക്കുന്ന ശീലം പലര്‍ക്കുമുണ്ട്. അലാറാം മൊബൈലില്‍ വയ്ക്കും. അത് അടിയ്ക്കുമ്പോള്‍ ഇത് സ്‌നൂസ് ചെയ്ത് വേറെ സമയത്തേക്കു മാറ്റി വയ്ക്കും. വീണ്ടും സ്‌നൂസ് ബട്ടന്‍ ഉപയോഗിയ്ക്കരുത്. ഇത് ഉറക്കച്ചടവ് അതായത് ക്ഷീണം തോന്നും. ആദ്യത്തെ അലാറം അടിയ്ക്കുന്ന സമയത്ത് തന്നെ ഉണരുക. ഇതു പോലെ ആദ്യം തന്നെ മൊബൈല്‍ നോക്കി സോഷ്യല്‍ മീഡിയ പരിശോധിയ്ക്കുന്ന പലരുമുണ്ട്. രാവിലെ ഈ മൊബൈല്‍ ഫോണില്‍ നിന്ന് വരുന്ന ലൈററ് നല്ലതല്ല. മാത്രമല്ല, നല്ല വാര്‍ത്തകള്‍ മാത്രമല്ല, നമുക്ക് രാവിലെ തന്നെ മൂഡോഫ് ഉണ്ടാക്കുന്ന വാര്‍ത്തകളുമുണ്ടാകും. ഇത് ദിവസം നശിപ്പിയ്ക്കും. ഇതിനാല്‍ ഇത് മാനസികവും ആരോഗ്യപരവുമായ പ്രശ്‌നമുണ്ടാകും.